1978 ildə Ə.Əzimzadə adına Azərbaycan Dövlət Rəssamliq məktəbini bitirdikdən sonra, Moskvada Ümumittifaq Dövlət Kinematoqrafiya institutunun rəssamlıq fakültəsinin bədii kino bölməsinə daxil olub. SSRİ-nin Xalq Rəssamı, professor Mixail Boqdanovun emalatxanasında təhsil alaraq SSRİ-nin Xalq Artistləri Yevgeniy Matveyev və Sergey Gerasimovun rejissor və aktyor sənəti dərslərində iştirak edir.

1984-cü ildə fərqlənmə diplomu ilə institutu bitirib “Azərbaycanfilm” kinostudiyasina qəbul olunur. Quruluşçu rəssam kimi doqquz filmin bədii tərtibatını verib.

nkshamil@yahoo.com

1990-cı ildən peşəkar kinorejissor kimi fəaliyyətdədir. Çəkdiyi filmlər bir çox beynəlxalq kinofestivallarda nümaiş etdirilib (Almaniya, ABŞ, Finlandiya, Türkiyə, Rusiya, Latviya və s.), bir neçə mükafatlarla təltif edilib, o cümlədən:

“İntegrasiya” beynəlxalq kinofestivalının Xüsusi mükafatı (2004-ci il, Polşa, “Qısa monoloqlar” filminə görə);

“Pak xəyallar” adlı müstəqil kino beynəlxalq festivalının “Ən yaxşı vizual-plastik həllinə görə” mükafat (2002-ci il, Sankt-Peterburq, Rusiya, “Leyli və Məcnun” filminə görə).

“KROK” beynəlxalq animasiya festivalının “Ən yaxşi debüt” prizi (1991-ci il, Ukrayna-Rumıniya, “İthaf” filminə görə);

“Firuzə Baharı” gənc kino festivalının “Ən yaxşı sənədli filminə görə” mükafat (1993-cü il, Türkmənistan, “Ağ-qara dünya” filminə görə);

“Şərqdən baxış” beynəlxalq kinofestivalının “Ən yaxşı animasiya filminə görə” mükafat (1992-ci il, Azərbaycan, “İthaf” filminə görə);

Azərbaycan Kinematoqrafçılar İttifaqı tərəfindən təsis edilmiş Milli Kino müsabiqəsinin “Kinoda ən yaxşı bədii tərtibat” mükafatı (1995-ci il, Azərbaycan, “Yarasa” filminə görə).

1999 ildə Horvatiyanın “Imaginary Film” Kino Akademiyasının sertifikatı ilə təltif olunub. Cox saylı Beynəlxalq, Ümumittifaq və Respublika təsviri sənət sərgilərində yaraddığı tablolar nümaiş etdirilib.

1995-98 illərdə Azərbaycan Dövlət Teleradio Şirkətinin “Sabah” birliyində prodüser vəzifəsində çalışıb.

1999-cu ildə “ABBA” Müstəqil Televiziya kanalının yaranmasında Bədii Rəhbər vəzifəsində yaxından iştirak edib.

2000-ci ildə “ANS” Müstəqil Yayim və Mediya Şirkətində Baş Prodüser vəzifəsində çalışıb.

“Simurq” Müstəqil kinostudiyasının Baş Direktorudur. Dövlət Mədəniyyət və İncəsənət Üniversitetinin “Kino və TV” kafedrasının baş müəllimidir.

Beynəlxalq “Qafqaz sənədli kino Şəbəkəsinin” Azərbaycan üzrə təmsilçisidir. Azərbaycan Kinematoqrafçılar İttifaqının Xarici əlaqələr üzrə Katibidir. Azərbaycan Rəssamlar İttifaqının üzvüdür.